നാട്ടറിവുകളും നുറുങ്ങുവൈദ്യവും

                                 തേമൽ :

പലരും പറയുന്ന ഒരു പരാതി ആണ് ശരീരത്തിൽ  അവിടെ അവിടെ  ആയി വെളുത്ത പാടുകൾ കാണുന്നു .ചിലതു ചൊറിച്ചിൽ ഉണ്ടാക്കും ചിലത് നിരുപദ്രവകാരി ആയിരിക്കും .ശരീരത്തിലെ മെലാനിൻ ഉത്പാദനത്തിന്റെ പിഴകളോ അല്ലെങ്കിൽ ആധുനിക വാസന സോപ്പിന്റെ ഉപയോഗം ,ക്രീമുകളുടെ  ഉപയോഗം , എണ്ണ തേക്കാതെ ഇരിക്കുക ഇവയൊക്കെ കാരണങ്ങൾ ആണ് . എന്ത് തന്നെ ആയാലും പരിഹാരങ്ങൾ പറഞ്ഞേക്കാം .

1  പൂവരശ് (ശീലാന്തി  എന്ന് ചിലയിടങ്ങളിൽ പറയും)അതിന്റെ കായ് എടുത്ത് അമ്മിയിൽ ഉരസി കിട്ടുന്ന മഞ്ഞ നിറ പാൽ എടുത്തു മുഖത്തിൽ  തേമൽ ഉള്ള ഭാഗത്തു പൂശിയാൽ മുഖത്തുള്ള തേമൽ മാറും .

2 . കറുകപ്പുല്ല് ,കസ്തൂരി മഞ്ഞൾ ,മൈലാഞ്ചി  ഇവകൾ കല്ലിൽ വെച്ച് അരച്ച്  തേമൽ ഉള്ള ഭാഗത്ത്‌ പുരട്ടിയാൽ ക്രമേണ തേമൽ മാറും .

3 . വൻ കടലാടി ഇലയുടെ ചാർ തേമൽ ഉള്ള ഭാഗത്തു പുരട്ടി വന്നാൽ തേമൽ സുഖമാകും .

4   കമല ഓറഞ്ചു (മന്ദാരിൻ ഓറഞ്ചു ) വെയിലിൽ ഉണക്കി തൊലി വെയിലിൽ ഉണക്കി പൊടിച്ചു വെച്ച് ശരീരത്തിൽ തേച്ച ദിവസവും കുളിക്കുകയോ നാരങ്ങാ നീര് തേമൽ ഉള്ള ഭാഗത്തു തേച്ചു പിടിപ്പിച്ചാൽ തേമൽ ക്രമേണ മാറും .

5 .നറുനീണ്ടി വേര് 5 ഗ്രാം ചതച്ചു  നൂറു മില്ലി വെള്ളത്തിൽ  വെള്ളത്തിലൈറ്റ് തിളപ്പിച്ച് അരിച്ചെടുത്ത്  കിട്ടുന്ന കറുത്ത നിറത്തിലെ കഷായം കാച്ചിയ പാലിൽ കലർത്തി മധുരം ചേർത്തു കുടിച്ചാൽ തേമൽ മറയും .

6. നാരങ്ങ തൊലി ഉണക്കി പൊടിച്ചു എടുത്തു അതിന്റെ സമ അളവ് വറുത്തു പൊടിച്ച പടികാരം അല്പം വെള്ളം ചേർത്തു കുഴച്ചു തേമൽ ഉള്ള ഭാഗത്തു പുരട്ടി  കുറച്ചു കഴിഞ്ഞു കുളിച്ചാൽ തേമൽ കുറയും .

7 .മഞ്ഞൾ ഇടിച്ചു പൊടിച്ചു നല്ലെണ്ണയിൽ ചേർത്ത് കാച്ചി തേമൽ ഉള്ള ഭാഗത്തു തേച്ചാൽ തേമൽ കുറയും . വെറ്റില തുളസി ഇല അരച്ച് തേമലിൽ പൂശിയാൽ തേമൽ കുറയും .

 8. ചുക്കും കുറച്ചു തുളസി ഇലയും ചേർത്തു നന്നായി വെണ്ണ പോലെ അരച്ച്  തേമാലിൽ പൂശി വന്നാൽ ക്രമേണ തേമൽ മാറി ചർമം സാധാരണ നിലയിൽ ആകും .

9 . കീഴാർനെല്ലി ഇല കൊത്തമല്ലി ഇല ഇവകൾ പാൽ ചേർത്ത് അരച്ച് മുഖത്തിൽ  തേമൽ ,കറുത്ത പുള്ളികൾ ഉള്ള ഭാഗത്തു തേച്ചു 30  മിനിറ്റ കഴിഞ്ഞു  കഴുകുക .തേമൽ ,കറുത്ത പാടുകൾ മായും .

10. തൊട്ടാവാടി  ഇല നല്ലവണ്ണം അരച്ച് അതിന്റെ ചാർ എടുത്തു തേമൽ ഉള്ള ഭാഗത്തു രാവിലെയും വൈകുന്നേരവും  തേച്ചു പിടിപ്പിച്ചാൽ അഞ്ചു ദിവസങ്ങൾ  കൊണ്ട് തേമൽ മാറും .

11. കരിംജീരകം എണ്ണയിൽ ഇട്ടു കനല്ലവണ്ണം വറുത്തെടുത്ത്  കാടി ചേർത്തു അരച്ച് പൂശിയാൽ ചൊറി തേമൽ ഇവകൾ കുറയും .

12 വെളുത്തുള്ളി  വെറ്റില ചേർത്തു മഷി പോലെ അരച്ച് തേച്ചു തേമൽ ഉള്ള ഭാഗത്തു പിടിപ്പിച്ചു കുറച്ചു കഴിഞ്ഞു കുളിച്ചാൽ തേമൽ സുഖപ്പെടും

. 13.വെളിച്ചെണ്ണ 200 മില്ലി ,തേൻ മെഴുക്  15 ഗ്രാം ,തേൻ  20 മില്ലി .വെളിച്ചെണ്ണ ചൂടാക്കി മെഴുകു ഇട്ടു അത് ഉരുകിയ ശേഷം തീ കെടുത്തി തേൻ  ചേർത്ത് ഇളക്കി ഇറക്കി ആറികഴിയുമ്പോൾ  കുഴമ്പ് പോലെ ആകും . ഈ കുഴമ്പ് തേമൽ ഉള്ള ഭാഗത്തു ദിവസവും തേച്ചു 15 -30 മിനിറ്റ  കഴിഞ്ഞു കുളിക്കുക .തേമൽ സുഖമാകും .

14. പഴുത്ത   പൂവരശ് ഇല ,ആര്യവേപ്പിന്റെ തളിരില,ആവാര പൂ ,കുപ്പമേനി ഇല ,ഇലവിന്റെ ഇല ,കാർകോകിലരി ,കരിജീരകം ഇതെല്ലം സമ അളവെടുത്തു ഒന്നിച്ചു അരച്ച്  ആ അരപ്പെടുത്തു തേമാലിന് മുകളിൽ പുരട്ടി ഒരു മണിക്കൂർ കഴിഞ്ഞു കുളിക്കുക. ക്രമേണ തേമൽ മാറും .

15.നാടൻ കോഴി മുട്ടയുടെ വെള്ള ,ഉലുവ ,വെള്ളരി പിഞ്ചു  ഇവകൾ ചേർത്തു അരച്ച് ബാധിക്കപ്പെട്ട ഭാഗത്തു  പുരട്ടിയാൽ തേമൽ ഭേദമാകും . നാരങ്ങാ നീര് ചൂട് വെള്ളത്തിൽ കലക്കി കുടിക്കുന്നതും നാരങ്ങാ നീര് മുഖത്ത് തേച്ച പിടിപ്പിച്ചു കുറച്ചു കഴിഞ്ഞു കഴുകി കളയുന്നത് മുഖത്തെ തേമൽ മാറ്റും .

16 ആട് തൊടാ പാല വെളിച്ചെണ്ണയിൽ ഇട്ടു ഒരു ആഴ്ച്ച വെയിലിൽ വെച്ച് പാകപ്പെടുത്തി എടുത്തത്  ബാധിച്ച ഭാഗത്തു പുരട്ടുക .തേമൽ മാറും

17.മുള്ളങ്കി മോരിൽ അരച്ച് മുഖത്ത് ബാധിച്ച

ഭാഗത്തു പുരട്ടിയാൽ തേമൽ മാറും .

18 .  വയമ്പ് ഒരു തുണ്ടു ,ആവാര പട്ട  ചേർത്ത് അരച്ച് പൂച്ചു പോലെ രാത്രി പുരട്ടി രാവിലെ കഴുകുക . സോപ്പ് ഉപയോഗിക്കരുത് . ആര്യവേപ്പില അരച്ചും തേമലിന് മീത് പൂശിയാൽ ഗുണമാകും .

19 .കുപ്പമേനി ഇല .മഞ്ഞൾ ,കല്ല് ഉപ്പു ചേർത്ത് അരച്ച്  തേച്ചു കുറച്ചു നേരം കഴിഞ്ഞു കുളിക്കുക .തേമൽ കുറയും .

20. മണിത്തക്കാളി ഇലയുടെ ചാറെടുത്തു നെഞ്ചിൽ,തുട ,കൈ  എന്നീ ഭാഗങ്ങളിൽ പുരട്ടിയാൽ  പുരട്ടി അറ മണിക്കൂർ കഴിഞ്ഞു ചൂട് വെള്ളത്തിൽ  കഴുകിയാൽ ക്രമേണ തേമൽ  മാറും .

കടപ്പാട് : danielbabu ൯.൧൦.൨൦൧൯